Latest Posts

Career Guidance

Tips

Courses

Sunday, August 24, 2014

කොහොමද වෘත්තියක් තෝරාගන්නෙ?

ඔබත් කල්පනා කරනවද කොහොමද ඔබට ගැළපෙන වෘත්තියක් තෝරාගන්නෙ කියල?
අපේ නොමිලේ ලබාදෙන ඊ-බුක් එකෙන් ඔයාට ඒ ගැන හොඳ අදහසක් ගන්න පුළුවන්. ඊට අමතරව මේ ලිපියත් ඒ සඳහා තවත් ආකාරයක සහයක් වේවි.


මේ සඳහා ප්‍රධාන හා මූලික කරුණු තුනක් අපි සළකා බලමු.

1. ඔබ ගැන දැනගන්න.
  • ඔබගේ ශක්තීන්, හැකියාවන්, වටිනාකම් වලට අමතරව, ඔබ කුමනාකාරයේ පුද්ගලයෙක්ද, ඔබගේ දුර්වලතාවයන් මොනවාද කියන දේවල් හඳුනාගන්න. ඒක ලොකු ප්‍රයෝජනයක් වෙනව ඔබට ගැළපෙන වෘත්තිය තෝරාගන්න. 
  • ඔබ ගැන ඉගෙනගන්න, ඔබගේ හැකියාවන් හා දුර්වලතාවයන් හඳුනාගත හැකි ක්‍රියාකාරකම් කරන්න. 

2. ඔබට තිබෙන විකල්පයන් හඳුනාගන්න. ඒවා පිළිබඳව දැනගන්න.
  • විවිධාකාරයේ රැකියා පිළිබඳව සොයා බලන්න. විවිධාකාරයේ රැකියා හඳුනාගන්න. ඒ ඒ රැකියාව තුළ ඔබට සිදුකළ හැකි දේවල් පිළිබඳව සිතා බලමින් ඒ ඒ රැකියා විශ්ලේෂණය කරන්න. 
  • ඔබට තෘප්තිමත් විය හැකි රැකියා හඳුනාගන්න. එමඟින් ඔබට හොඳින්ම කළ හැකි රැකියා හඳුනාගන්න පුළුවන්. ඔබ දැන් යෙදී ඇති රැකියාවෙන් තෘප්තිමත් වෙනවාද සිතා බලන්න. එසේ නොවෙන්නේ නම් ඒ ඇයිද යන්න හඳුනාගන්න.
  • විවිධාකාරයේ අධ්‍යාපන විෂයයන්, ක්ෂේත්‍රයන් පිළිබඳව සොයා බලන්න. විවිධ රැකියා ක්ෂේත්‍රයන්ට පිවිසෙන්න විවිධ අධ්‍යාපන ක්ෂේත්‍රයන් උගත යුතු වෙනවා. ඒවාට ගැළපෙන ආකාරයට පාඨමාලා, උපාධි, ඩිප්ලෝමා උගත යුතු වෙනවා. 
  • ඔබේම ව්‍යාපාරයක් සිදු කරන එකත් ගොඩක්ම හොඳ විකල්පයක්. හැබැයි ඒකට වඩා වැඩි කාලයක්, ශ්‍රමයක් හා ප්‍රාග්ධනයක් අවශ්‍ය වන්නට ඉඩ තිබෙනවා.
  • ඔබ කරන රැකියාවෙම තවත් ඉදිරියට යාම, ඒ හැකියාවන් වර්ධනය කරගැනීම පහසු විකල්පයක්. මොකද මේ ඔබ දැනට හොඳින්ම දන්න, ඔබ දැනට ස්ථාපනය වෙලා ඉන්න ක්ෂේත්‍රයක්. ඉතින් එය සිදු කරන්න පුළුවන් ආකාර සොයා බලන්න. (උදා: අදාල වන පාඨමාලාවක් හැදෑරීම)

3. හොඳ තීරණයක් ගන්න. 
  • ඉහත කිව්ව හැම දෙයක් ගැනම හොඳට හිතල බලන්න, විශ්ලේෂණය කරන්න. ඔබගේ හැඟීම් හරියටම තේරුම් ගන්න ඔබම උත්සාහ කරන්න.
  • අපහසුම නම් වෘත්තීය මාර්ගෝපදේශකයෙකුගේ සහය ලබාගන්න.


No comments:

Post a Comment

ඔබගේ අදහස් කියන්න. අඩවියේ අන්තර්ගතය පරිශීලකයින්ට වඩාත්ම ප්‍රයෝජනවත් ආකාරයට සැකසීමට ඔබගේ අදහස් බෙහෙවින් ප්‍රයෝජනවත් වනු ඇත.

All Rights Reserved © 2014 | Career Guidance Sri Lanka | Designed By