Latest Posts

Career Guidance

Tips

Courses

Sunday, April 24, 2016

COVER LETTER එකක් නිවැරදිව සාදාගනිමු


Cover Letter එකක් කියන්නෙ ඔබගේ රැකියා අයදුම්පත්‍රයත් එක්ක යවන ලියුමක්. මේකෙ තියෙන්නෙ ඔබ මේ අයදුම් කරන රැකියාව මොකද්ද කියන එකත්, ඔබ මීට කෙතරම් ගැළපෙනවාද කියන විස්තර ගැන ඉතාම කෙටි හැඳින්වීමක්. මේක හරියට ලිව්වෙ නැතිනම් මේක කියවපු ගමන් ඔබගේ අයදුම්පත්‍රය කුණු බක්කියට යන්නට වුවත් ඉඩ තිබෙනවා.
අපි සරල උදාහරණයක් බලමු.

<‍Your Address>

<Their Address>

Dear Sir/Madam,

APPLYING FOR THE POST OF QUALITY ASSURANCE EXECUTIVE

With reference to your advertisement published on Sunday observer on 10th April, 2016, I would like to apply for the post of “Quality Assurance Executive” at your company.

I am a ……………………… graduate from the University of ……………………, with the requirements you were asking for. I am a good team player with good leadership abilities, and with better soft skills and management skills required by you.

I have studied “Ceramic Technology”, “Refractory and Kiln Technology” modules at the university and am competent with the knowledge and will be able to apply them to the improvement of the processes and qualities at the factory.

I have successfully completed “Total Quality Management” module at the university and have followed a course in “Internal Auditing as per ISO 9001” at SLSI and also carries work experience with relate to ISO 9001:2008, ISO 14001:2004 and OHSAS 18001:2007.

I assure that the opportunity given to me at your company will allow me to apply my experience and knowledge to the benefit of the success and profitability to your organization and I would be grateful if I am given a chance to an interview at a convenient time.

Thanking you in advance.

Yours faithfully,

<Signature>
<Your Name>

 බලන්න මොනවද අපි මේකෙ කියල තියෙන්නෙ කියල.

මුලින්ම අපි මේ අයදුම් කරන්නෙ මොකටද කියල තියෙනව. මොකද සමහරවිට එම ආයතනය රැකියා ඇබෑර්තු කිහිපයක්, පුවත්පත් කිහිපයක, වෙබ් අඩවි කිහිපයක පල කර තිබෙන්නට පුළුවන්. ඉතින් ලිපියේ පළමු පේළියෙම ඔවුන්ට පුළුවන් මේ කුමන ඇබෑර්තුව වෙනුවෙන් ආපු අයදුම්පත්‍රයක්ද කියල වෙන් කරල අදාල ෆයිල් එකට කෙලින්ම යොමු කරන්න.

ඊට පස්සෙ අපේ උපරිම අධ්‍යාපනික සුදුසුකම, අයදුම් කළ රැකියාවට අදාල වන ආකාරයේ අනෙකුත් professional qualifications, අපේ soft skills ගැන පේළි කිහිපයකින් කෙටියෙන්ම පවසනවා. අපි ඔවුන්ගේ රැකියා ඇබෑර්තුවට කෙතරම් සුදුසුද යන්න කෙටියෙන්ම පවසනවා.

ඊට පස්සෙ ඔවුන්ගේ ඇබෑර්තුවට ඔබව තෝරා ගත්තොත් කෙතරම් ඔවුන්ට ඔබව වටිනවාද කියල අපි කියල, පුළුවන් නම් සම්මුඛ පරීක්ෂණයකට ඉඩක් දෙන්න කියල ඉල්ලා සිටිනවා.


මේ තොරතුරු ටික අඩු වැඩි වශයෙන් අනිවාර්යයෙන්ම cover letter එකක ඇතුළත් විය යුතු වෙනවා.

Read more ...

Sunday, March 20, 2016

සල්ලි නැතිව Business පටන්ගන්න බැරිද?

උපුටා ගැනීමකි.



මෙම පැනය අසන ඕනෑම අයකුට ලැබෙන පිළිතුර 'බැහැ' යන්නයි. නමුත් ඔබ පුදුම වන පිළිතුරක් ලබාදීමට මා සූදානම්. එනම් 'ඔව්, පුළුවන්' යන ඓශ්චර්යජනක උත්තරයයි. වත්මන් තරගකාරී ලෝකයේ ප්‍රාග්ධනය ප්‍රධාන ව්‍යාපාර සාධකය බවට පත්ව තිබෙනවා. ප්‍රාග්ධනය, තාක්ෂණය, කළමනාකරණය හා අලෙවිකරණය ව්‍යාපාර පවත්වාගෙන යෑමට උදවු වන ප්‍රධාන සාධකයක්. නමුත් මේ කිසිවක් නොමැතිව ව්‍යාපාර පටන් ගැනීම අදහාගන්න බැරි කාරණයක්. නමුත් ලොව පුරා සෑම තැනකම මේ දේවල් පුදුමඑළවන ආකාරයෙන් සිද්ධ වෙනවා.

ප්‍රාග්ධනය ගැටලුවෙන් මිදෙන්න බැරිව බොහෝ දෙනා තමන්ගේ ව්‍යාපාරික අදහස් උපන්ගෙයි මරා ගන්නවා. මුළු සමාජයටම සාප කරමින් පවතින සමාජ ක්‍රමයටත්, මුදල් ණයට දෙන බැංකුවලටත් නිරන්තරයෙන් බැන වදිමින් ඔවුන් තම ජීවිත විනාශ කරගන්නවා. රැකියා වියුක්තිය, සිය දිවි නසාගැනීම, අධ්‍යාපන ක්‍රමයට බැන වැදීම, කැරලි ගැසීම, දේශපාලකයන්ගේ අතකොළු බවට පත්වීම යනාදිය විවිධ දූෂණ හා අපචාරයන්ට ගොදුරුවීම ආදිය තුළින් බොහෝ දෙනා ඊට පිළිතුරු සොයනවා.

මෙලොව උපදින සියල්ලෝම උපදින්නේත්, මිය යන්නේත් අතේ සතයක් නැතිවය. නමුත් ජීවත් වන අය සල්ලිවලට අසීමිත වැදගත්කමක් දෙනවා. අද ලොව සෑම දෙයක්ම සල්ලි නොමැතිව කිරීමට නොහැකි දේවල් ලෙස සැකැසී තිබෙනවා. එම නිසා සෑම දෙයකින්ම සල්ලි හම්බ කිරීමට අද සමාජය පෙලඹී තියෙනවා. සල්ලි නිතරම ප්‍රතිඵලයක්. නමුත් එය යමක හේතුව නෙවෙයි. වැඩ කළොත් සල්ලි, බඩු වික්කොත් සල්ලි, ඉගෙන ගත්තොත් සල්ලි. සල්ලි මවන්න පුළුවන් දෙයක්. ඒ කොහොමද? තමන්ගේ බුද්ධිය තුළින් ප්‍රායෝගික මිනිසකු ලෙස ජීවත්වීමට තම බුද්ධිය පාවිච්චි කිරීමෙන් බොහෝ දෙනකුට තම නිදන්ගත ජීවිත ප්‍රශ්නවලට විසඳුම් සොයාගන්න පුළුවන්.

ව්‍යාපාරයක් ආරම්භ කිරීමට මුදල් පසුපසම හඹායන එක නතර කර මඳක් දෑස් විවර කර අවට පරිසරය දෙස බලන්න. වටිනා කියන සම්පත් බොහොමයක් ඔබ අවට තිබේ. ඒ තුළින් ඔබගේ ව්‍යාපාරයට අඩිතාලම සකසා ගත හැකිය. එසේ ආරම්භ කළ ව්‍යාපාර පිළිබඳ ඉතිහාස කතා බොහොමයක් අපට තිබෙනවා.
පහන් තිරයෙන් ව්‍යාපාරික ලොවට...

පහනක් දල්වා ගැනීම සඳහා පිරිසුදු රෙදි කැබැල්ලක් ඉරාගෙන පහන් තිරයක් හදා ගැනීම එදා අපේ සෑම ගෙදරකම සිරිතක් වුණා. අම්මා හෝ ආච්චි හෝ පහන් තිරයක් අඹරා ගැනීමට අත හෝ කකුල පාවිච්චි කළ ආකාරය ඔබේ සිතේ මැවෙන්න පුළුවන්. මෙය අපේ සිංහල සංස්කෘතිය තුළ පැලපදියම් වූ විශේෂ ලක්ෂණයක්. එහි අතීතය වසර දහස් ගණනක් වෙන්න ඕනෑ. නමුත් අද මොකද වුණේ? සෑම ගෙදරකම පහන් තියරක් ඕනෑ වුණාම රුපියලක් දීලා පහන් තිර පැකැට්ටුවක් කඩයෙන් ගෙන්නා ගන්නවා. අද කොයි ගෙදරද මේ සිරිතෙන් බැහැරවෙලා ඉන්නේ? ඔක්කොම කඩේට දුවනවා. එහෙම දුවන්නේ ගෙදරක පිරිසුදු රෙදි කැබැල්ලක් නැති හින්දද? නැත්නම් පහන් තිරයක් අඹරාගන්නට තාක්ෂණ ඥානයක් නැති නිසාද? එසේත් නැතිනම් ඒකට මිඩංගු කරන්න තරම් කාලයක් නැති නිසාද? මෙවැනි ප්‍රශ්න ඔබේ හිතට ක්‍ෂණයෙන් ගලා ඒවි

. ඒකට උත්තරය මොකක්ද? කවදා හෝ දවසක අපේ පුංචි රටේ පුංචි මිනිසකුට පහන් තිරයක් අඹරා කඩේකට දැම්මොත් එය විකුණා ගන්න පුළුවන් යන අදහස සිතක පහළ වුණා. වෙළෙඳපොළට රිංගාගෙන තම ආධිපත්‍ය ගොඩනඟා ගන්න පුළුවන් බව ඔහු තම අත්දැකීමෙන් තේරුම් ගත්තා. පසුදා උදේම ක්‍රියාත්මක වුණා. ඇඟලුම් කම්හලක ඉවත දමන රෙදි කැබැලි ගොඩක් දෑතට ගෙන පුංචි කතුරක ආධාරයෙන් සෙලෝපේන් කෑල්ලක් රත්කර පහන් තිර පැකැට්ටු කිහිපයක් තනා කඩේක එල්ලුවා. දින කිහිපයකින් පහන් තිර පැකැට්ටුව අලෙවි වුණා. ක්‍රමයෙන් ඔහු එම පුරුද්ද දිගින් දිගටම ගෙන ගියා. මුළු ලංකාතලයේම හැම ගෙදරකම මේ පහන් තිර පැකැට්ටුව සොයා එන තෙක් ඔහු දිගින් දිගටම පහන්තිර නිර්මාණය කළා.
සල්ලි නැතිව ව්‍යාපාර පටන්ගන්න පුළුවන් කියන කතාව බොරුවක්ද? වෙළෙඳපොළ ඉතා සියුම් ලෙස නිරීක්ෂණය කිරීමේ හැකියාව ඔහුට දායාදයක් වුණා. ව්‍යාපාර අදහස දියත් කරන්න කාසි නෝට්ටුවලින් සාක්කුව පිරී තියෙන්න ඕනෑ නෑ කියා ඔහු අපට උගන්වා නැද්ද?

තියුණු බුද්ධියෙන් හා අවංකකමින් ව්‍යාපාරික ලොවට....
එක්තරා තරුණයෙක් තමන්ට කළ හැකි දෙයක් ඇත්දැයි විමසුම් සිතින් පසුවුණා. ඔහු සතුව කිසිම මුදලක් තිබුණේ නැහැ. නමුත් ඔහු යමක් පටන් ගැනීමේ අදහසින් තියුණු ඇසකින් ජීවත් වුණා. එක් දවසක් පුවත්පතක විවිධ ප්‍රමාණයේ කළුගල් ඉල්ලා දැන්වීමක් පළකොට තිබුණා. අවශ්‍ය ප්‍රමාණය හා කළුගල්වල උපරිම මිල ගණන්ද එහි සඳහන් වුණා. අඩුම මිල ගණන් සඳහන් කරන්නකුට ටෙන්ඩරය ලබාගත හැකි බව ඔහු වටහා ගත්තා.

මේ අනුව පළමුව ඔහුගේ පදිංචි නිවෙස වටා ඇති ගල්වළ වෙත ගොස් ඔවුන් සමඟ මිල ගණන් සාකච්ඡා කළා. ටෙන්ඩරය තමන්ට ලැබුණොත් ඔවුන්ගෙන් කළුගල් ලබා ගන්නා බවත්, මුදල් ලැබුණු පසු ඔවුන්ට මුදල් ගෙවිය හැකි බවත් දන්වා සිටියා. කතිකා කරගත් මිල ගණන්වලට මඳක් වැඩිකර ඉතා අඩු මිල ගණන් ඇති ටෙන්ඩරයක් සකසා ඉල්ලුම් කළ පසු ඔහුට එය ලැබුණා. එය ඔහුගේ ජීවිතයේ විශාල ජයග්‍රහණයක් වුණා. ඉන් පසුව නියමිත දිනට කළුගල් සැපයීමට ඔහු ක්‍රියාත්මක වුණා. පොරොන්දුව වූ පරිදි කළුගල් සපයන්නෝ අදාළ ප්‍රමාණයන් පොරොන්දු වූ මිල ගණන්වලට ණයට ලබාදීම ඇරැඹුවා. කාලයත් සමඟ ඔහු ලක්ෂපතියෙක් වුණා. ඒ සඳහා ඔහුට වැය වුණේ ටෙන්ඩරයේ අයැදුම්පත්‍රය සඳහා වැය වූ මුදල පමණි. සල්ලි නැතිව පටන්ගත් තියුණු බුද්ධිය, තීරණ ගැනීමේ ශක්තිය හා ඔහුගේ අවංකභාවයයි.

මී කුණකින් ඇරැඹූ ව්‍යාපාරයක්....
අවසාන වශයෙන් මී කුණක් විකුණා පොහොසතෙක් වූ කතාව රැගත් චුල්ලසෙට්ටි ජාතකයේ කතාන්දරය ඔබට මතක් කරදෙන්න කැමැතියි. තම ජීවිතය කෙසේ නමුත් ගැටගසා ගනිමියි සිතූ ධෛර්යසම්පන්න අසරණ මිනිසකු මහ මඟ තිබූ මී කුණක් අතට ගෙන ඉදිරියට ගමන් කළා. මේ මී කුණ දුටු තවත් මනුෂ්‍යයෙක් ඒ මී කුණ තම බළලාට හොඳ යැයි සිතා කාසි කිහිපයක් දී මිලට ගත්තා. ඒ කාසි කිහිපයෙන් ප්‍රයෝජනවත් යමක් කළ යුතු සිතා පසුවදා මල් නෙළන ළඳුන්ට උක් හකුරු හා පැන් විකිණීමෙන් මුදල් ඉපයීමට ඔහු කල්පනා කළා. සිතූ පරිදි මල් නෙළන ලියන් සියලු දෙනාම ඔහුගේ සේවය ප්‍රශංසා කොට තමන් නෙළාගත් මල්වලින් මිට මිට දී ඔහුගේ සේවය අගය කළා. මේ පුරුද්ද දිගටම ගෙන ගියා. පසුව ඒ ළඳුන් ඒ මල් යායේ මල් කඩාගන්නට ඔහුට අවසර දුන්නා. මේ මල් විකුණා ඔහු ක්‍රමයෙන් පොහොසත් වුණා.

මේ අතර විශාල කුණාටුවකින් විනාශ වී ගිය උයනක තිබූ දර කන්දරාවක් ඉවත් කිරීමට ඔහු උයන් පල්ලාගෙන් අවසර ගත්තා. ඒ අවට සිටි ළමයින්ගේද ආධාර ඇතිව ඔහු ඉක්මනින් උයනේ දර සියල්ල ඉවත් කළා. ඒ දර කන්දරාව දුටු කුඹල් මිනිසකු ඒ දරවල වටිනාකම දැක ඒවා මිලට ගන්නට කල්පනා කළා. ඒ ගනුදෙනුකරුවා මුදල් හා වළං දී ඔහුව සතුටට පත් කළා. දැන් ඔහු පෙරටත් වඩා පොහොසත්. ඔහුට ලැබුණු වළං සියල්ල විකුණා ඔහු අවට ජනයා සමඟ ඉතා කුලුපග වී වෙළෙ¼දාම දියුණු කරගත්තා. පසු කලෙක අසුන් සඳහා තණකොළ සැපයීමෙන්ද, නැවියන් සමඟ ගනුදෙනු කිරීමෙන්ද විශාල ධනසම්භාරයකට උරුමකම් පෑවා. මේ සියල්ල මී කුණකින් ඇරැඹීම අදහාගත නොහැකි විප්ලවයක්. ව්‍යාපාරයක් අරඹන්න මුදල් අනිවාර්ය නොවේ යන කතාව යටගිය දවස මේ කතන්දරයෙන්ද ඔප්පු වෙනවා.

මෙලොව සියලු දෙය බිහිවීමේලා මුල්ව ඇත්තේ සිතය; මුදල් දෙවැනුවය
ව්‍යවසායකයන් ලෙස ව්‍යාපාරයක් ආරම්භ කිරීමට පුල පුලා සිටින ඔබ මුදල්වලට අනවශ්‍ය ප්‍රධාන තැනක් දෙමින් ඔබේ ව්‍යාපෘති අදහස යටකරන්න එපා. මුදල් වෙනුවට ඔබේ නිරීක්ෂණ ශක්තිය, ආත්ම ධෛර්යය, කැපවීම, ශිල්ප ඥානය, උපාය මාර්ග ආදිය මුදල් ලෙස සිතා ඒවා ඉතා යෝග්‍ය අයුරින් ගළපා ඔබේ ව්‍යාපෘති අදහස දියත් කරන්න. ඒ ගමන ඉතා සෙමින් විය හැකියි. එහෙත් ඔබේ ඉලක්ක වෙත ගමන් කරනු නොඅනුමානය. මෙලොව සියලු දෙය බිහිවීමෙහිලා මුල්වී ඇත්තේ සිතය. මුදල් දෙවැනුවය.

මේ කතන්දර කිහිපය නිසා ව්‍යාපාරයක් පටන්ගන්න අවශ්‍ය මුල්ම සාධකය පරිසරය නිරීක්ෂණය තුළින් ලබාගන්නා අවබෝධය සමඟ මුසු වූ එඩිතරකම හා කැපවීම බව පෙනෙනවා. සල්ලි හෝ ප්‍රාග්ධනය අජීවී වස්තූන්. ඒවාට අගය දිය හැක්කේ අපේ වටිනා සිතිවිලිවලට පමණයි. අපේ සිතිවිලි මලානික වූ විට අපේ මුදල්ද මලානික වෙනවා. සිතිවිලි ප්‍රාණවත් වූ තරමට මුදල්ද අප්‍රමාණ ලෙස ජීවයක් ලබනවා. අපේ ප්‍රාණවත් වූ සිතිවිලිවලින් ව්‍යාපාරයකට අවශ්‍ය සියලු සාධක ගොනු කරන්න පුළුවන්. එයට පරිසරය නිවැරැදිව හැදෑරීමත්, මිනිසුන්ගේ චර්යාවන් නිවැරැදිව වටහා ගැනීමත්, පරිසරය ඉදිරියේ ඔවුන්ගේ හැසිරීම් හා ප්‍රතික්‍රියා දක්වන ආකාරය වටහා ගැනීමටත් අපේ සංස්කෘතික රට අධ්‍යයනය කිරීමත් අද මූලිකව වැදගත් කරුණු වී තිබෙනවා.
මේ නිසා ව්‍යාපාරවලට අත ගසන ඔබ සල්ලිවලට මූලික තැනක් නොදී ඔබේ සිතිවිලිවලට නව ජීවයක් දෙන්න.

මුල් ලිපිය.
Read more ...

Sunday, December 13, 2015

"රැකියා වෙළඳපළ ජය ගනිමු" ග්‍රන්ථය ඔබත් ලබාගන්න



මාස කිහිපයක උත්සාහයකින් පසුව ඔන්න ඔයාල බලාගෙන හිටිය අත්පොත එළිදක්වන්න තමයි මේ සූදානම් වන්නෙ.

පිටු 50කින් යුත් මේ පොතෙන් අන්තර්ගතය ගැන මුලින්ම කියන්නම්.
  1. "රැකියාවක්” කියන්නෙ මොකද්ද ඇත්තටම???
  2. ඇයි අපිට රැකියාවක් ඕනෙ කරන්නෙ?
  3. සාර්ථක CV එකක් සාදා ගනිමු
  4. මොකද්ද මේ CV එකක් කියන්නෙ?
    1. CV එකක් හදන්න ස්ථිර ක්‍රමයක් තිබෙනවද?
    2. CV එකක් භාවිතා කළ යුත්තේ ඇයි?
    3. ඔබ CV කීයක් සෑදිය යුතුද?
    4. ඔබගේ CV එකේ තිබිය යුතු ගුණාංග මොනවාද?
    5. CV එක තුළ තිබිය යුතු විස්තර මොනවාද?
    6. සාර්ථක CV එකක් කොහොම විය යුතුද?
    7. මෙන්න මේ දේවල් CV එකක තිබිය යුතුයි
    8. තම CV එක හදද්දි අයදුම්කරුවන් සිදු කරන වැරදි මොනවාද
    9. සාර්ථක CV එකක දිග
    10. සාමාන්‍ය CV එකක තිබිය යුතු Formatting
    11. ඔබගේ CV එක ඉලක්ක කිරීම
    12. මුද්‍රිත CV, ඊමේල් CV, වෙබ් CV
  5. ඔබගේ සුදුසුකම් ෆයිල් එක සකසා ගන්නේ කෙසේද
  6. Cover Letter එකක් නිවැරදිව සාදාගනිමු
  7. ජොබ් එකකට හරියට අයදුම් කරන්නේ කොහොමද
  8. සම්මුඛ පරීක්ෂණයකට හරියට මුහුණ දෙමු
    1. සම්මුඛ පරීක්ෂණයකට සූදානම් වන්නේ කොහොමද
    2. සම්මුඛ පරීක්ෂණයට අඳින්නෙ පළඳින්නෙ මොනවද
    3. සම්මුඛ පරීක්ෂණය දවස
    4. සම්මුඛ පරීක්ෂණයට මුහුණදෙමු
    5. සම්මුඛ පරීක්ෂණයින් පස්සෙ
  9. Professional Online Profile එකක් පවත්වාගෙන යන්න
    1. මොකද්ද මේ Professional Online profile එකක් කියන්නෙ?
    2. ඔන්ලයින් ප්‍රොෆයිල්, රැකියා සෙවීමට භාවිතා කළ හැක්කේ කෙසේද?
    3. LinkedIn හරහා Online Profile එකක් සාදාගන්න.
    4. මොකද්ද මේ LinkedIn?
    5. මොකද්ද LinkedIn වල අවශ්‍යතාවය?
Demo එකක් පහත ලින්ක් එකෙන් බලාගන්න.
https://drive.google.com/file/d/0B_fIzm0oL4ONUlZtWkhGc2liRFU/view?usp=sharing

මේ පොතත් එක්ක ඔයාලට නොමිලේ ලැබෙන දේවල්
  1. CV Templates
  2. Cover Letter Template
  3. බහුල සම්මුඛ පරීක්ෂණ ප්‍රශ්න වලට නිදසුන් පිළිතුරු
  4. "ඔබට ගැළපෙන වෘත්තිය තෝරාගන්නේ කෙසේද" නොමිලේ බෙදා හැරුණු ඊබුක් එක
  5. අත්වැල් කිහිපයක්
  6. ඒත් එක්කම ඔයාල ඉදිරියට හදන CV එකක දුර්වලතා හඳුනාගෙන, ඒවා නිවැරදි කරල, අක්ෂර වින්‍යාස හා ව්‍යාකරණ නිවැරදි කරල ඒක හොඳ ආකාරයට හදල දෙනව. (එක් CV එකක් සඳහා) 
මේ දේවල් 6 ලැබෙන්න නම් ඔයා මේ පොත මිලට ගැනීම සිදු කළ යුතුම වෙනවා. 

අංක 6 ගැන කතා කළොත්, ඊට පස්සෙ උනත් ඔයාලට ඒ සේවාව ලබා ගන්නට හැකියාව තිබෙනවා. ඒ ගැන දැනගන්න මෙම සබැඳිය හරහා යන්න.
http://careerguidancelk.blogspot.com/p/cv-correction-service.html

මගෙ අත්දැකීම් හා දැනුම එකතු කරල තමයි මේ පොත නිර්මාණය කරල තිබෙන්නෙ. ඉතින් මම උනු මහන්සියට හා ගත කළ කාලයට ඔයාලගෙන් පොඩි මුදලක් අය කරනවා. ඒ වෙනුවෙන් ඔයාල තරහ වෙන එකක් නෑ කියල හිතනව. ඒ මිලටත් වඩා වටිනා දේවල් ටිකක් මේ හරහා ඔබට ලැබෙනව කියල මම ස්ථිරවම කියා සිටිනවා.
මම මීට පෙර, නොමිලේ ඔයාලට ලිපි රැසක්, කෙටි අත්වැල් දෙකක්, "ඔබට ගැළපෙන වෘත්තිය තෝරාගන්නේ කෙසේද" යන්න ගැන කතා කරන ebook එකක් ලබා දුන්නා.

ලොකු මුදලක් වෙන්නෙ නෑ. $1.49. (ඒ කියන්නෙ රු.200-220ක් වගේ පොඩි මුදලක්)

පහත Buy Now බොත්තම හරහා ඔබට මේ පොත මිලට ගන්නට හැකියාව තිබෙනවා. PayPal මගින් කෙලින්ම ඔබට මුදල් ගෙවිය හැකියි 
 Buy Now
$1.49

PayPal නොමැති අය සිටිනවා නම් මට ඊ මේල් ලිපියක් එවන්න. මම eZCash / mCash / Bank Transfer සඳහා අවශ්‍ය විස්තර එවන්නම්.

වැදගත් කරුණක් කියන්නට තිබෙනවා.
මේ පොත මම ඔයාල වෙනුවෙන් ගොඩක් මහන්සියෙන් ලියපු පොතක්. ඉතින් මම මිලක් නියම කරල තිබෙන මෙම පොත නොමිලේ බෙදා හරින්නට එපා යයි කාරුණිකව ඉල්ලා සිටිනවා. එසේ සිදුවන තැනක් දුටුවහොත් ඒ පිළිබඳ මා වහාම දැනුවත් කරන ලෙසත් ඉල්ලා සිටිනවා. 
ලංකාවේ බුද්ධිමය දේපළ පණත යටතේ එය ඉතාම වැරදි ක්‍රියාවක් කියලත් ඔබට මතක් කරන්නට කැමතියි.

ඉතින් ඔබ මෙම පොත ඔබගේ මිතුරන් හා බෙදා හදාගන්නා විට ඔවුන්ටත් මෙය මිලට ගැනීමට මෙම පිටුව වෙත ඔවුන්ව එවන්න කාරුණික වන්න.

Buy Now


මගේ Affiliate කෙනෙක් වී ඔබත් උපයන්න. 


මෙම පොත ඔබට පුළුවන් ඔබගේ වෙබ් / බ්ලොග් අඩවි හරහාත් විකුණන්නට. මම ඒ වෙනුවෙන් ඔබට 33%ක Affiliate Commission එකක් දෙන්නට බලාපොරොත්තු වෙනවා. ඒ කියන්නෙ ඔබගේ Affiliate Link එකකින් මගෙ පොත මිලට ගන්නා වාරයක් පාසා ඔබගේ Affiliate ගිණුමට $0.50 බැගින් බැර වෙනවා.
මේ මුදල් ඔබට ඔබගේ Paypal ගිණුමට කෙලින්ම ලබා ගන්නට පුළුවන්. 100%ම ලැබෙනව.
ඒත් එක්කම eZCash, mCash, Bankd Transfer (Commercial/Sampath) හරහාත් ඔබට ඒ මුදල් ලබා ගන්නට පුළුවන්. හැබැයි ඒවට නම් 5%ක service charge එකක් ගන්න වෙනව. 

වැඩි විස්තර සඳහා පහත සබැඳිය ක්ලික් කරන්න.
http://careerguidancelk.blogspot.com/2015/12/ebook-affiliate-programme.html

හැකියාවක් තිබුණොත් මෙම පොත තවත් වැඩිදියුණු කොට මුද්‍රණය කිරීමේ කැමැත්තකුත් මට තිබෙනවා. මේ උත්සාහය ඇගයීමකට ඔබත් බලාපොරොත්තු වනවා නම් ආරාධනා කරනවා මා වෙත ඔබට හැකි අයුරින් කුඩා ආධාරයක් වුවත් කරන ලෙස ආරාධනා කරනවා. 


වෙනත් කිසියම්ම හෝ ගැටළුවක් ඇති නම් cglk [at] consultant [dot] com හෝ madhawa.h [at] mail [dot] com හරහා මා හා සම්බන්ධ වන්නට ඉල්ලා සිටිනවා.

UPDATE:
මෙම පොත ඉදිරියට අන්තර්ජාලය හරහා සෘජුව මිලට ගැනීමට නොහැක. ඔබට මෙම පොත අවශ්‍ය නම් cglk [at] consultant [dot] com හෝ madhawa.h [at] mail [dot] com හරහා මා හා සම්බන්ධ වන්න. එවිට සියළුම විස්තර ඔබ වෙත නොපමාව ලැබෙනු ඇත. 


Digital Delivery by E-junkie
Read more ...

Sunday, August 23, 2015

Digital යුගයේ රැකියා සොයා යාම - Fact Sheet 2

ඔබගේ වෘත්තිය සැළසුම් කිරීම සම්බන්ධයෙන් අපි මීට පෙර ඔබට අපේ පළමු Fact Sheet එක ලබා දුන්නා,
මේ හදන්නෙ දෙවන Fact Sheet එක ඔබ වෙත ලබා දෙන්න. මේ Digital ලෝකයේ රැකියා වෙලඳපළ තුළ සැරිසරනකොට ඩිජිටල් ලෝකයේදී හැසිරෙන්නේ කොහොමද කියල අපි හොයල බලමු.

අපි හැමදෙනාම ටික ටික හරි සමාජ සබඳතා වලට කැමතියි. රැකියා ලබා දෙන්නනුත් දැන් එහෙමයි. දැන් කාලෙ නව බඳවාගැනීම් සම්බන්ධ වෙනකොට Social Media කියන එකත්  විශාල ව්‍යාපාරයක් වෙනවා. සමහර අයට රැකියා අවස්ථා පිළිබඳ විස්තර / දැන්වීම අන්ත්ර්ජාලය හරහාත් ලැබෙනවා. ඔබටත් ඒ වගේ වෙන්න ඕනෙ නම් ඔබත් දැන් කාලෙ වේගයට එකතු වෙන්න වෙනවා. ඔබටත් වේගවත් වෙන්න වෙනවා. මොකද Social Media නිදාගන්නෙ නෑ කොයි වෙලේවත්. ඒ වගේම තමා මුදලුත්, නේද?? 

ඔබගේ Curriculum Vitae එක ඔබ නව රැකියා අවස්ථාවක් සොයන එකට අවශ්‍ය හොඳම මෙවලමක්. නමුත් ඒකත් දැන් ටිකක් පරණ තාලෙ දෙයක් වෙලා.  ඒක නිසා තමයි දැන් professional Online Profiles ලෙස LinkedIn, Twitter  වගේ දේවල්, Facebook වුවත්, කරළියට එන්නෙ. ඒවා හරහා ඔබට පුළුවන් මේ ඩිජිටල් වෙමින් පවතින ලෝකයේ ඩිජිටල් තාක්ෂණයත් එක්ක ඉන්න, ඩිජිටල් තාක්ෂණයත් එක්ක වැඩ කරන්න කැමති  මිනිස්සු එක්ක කරට කර වැඩ කරන්නට. 
ඉතින් මෙම කෙටි අත්වැල හරහා, මේ ඩිජිටල් යුගයේ රැකියා වෙළඳපළ තුළ ඔබට ගැළපෙනම රැකියාව දඩයම් කරගන්නේ කොහොමද, ඔබගේ නම ලෝකයට ගෙන යන්නේ කොහොමද කියල කෙටියෙන්, සරළව අදහසක් දෙන්නයි අපගේ සූදානම. 
වැඩේ හරියට කරගත්තොත්, ඔබට හිතාගන්න බැරි තරම් වෘත්තීය යෝජනා ඔබට එන්නට පුළුවන්. 

පහතින් එය භාගත කරගන්න.
Download: 
මුරපදය: careerguidancelk

මේ ලිපි කෙලින්ම ඔබ වෙත ලබා ගන්න. පහත ඔබගේ ඊ මේල් ලිපිනය ඇතුලත් කරන්න.
ඔබගේ ඊ ලිපිනය එකතු කරන්න:



මෙම බ්ලොග් අඩවිය සම්පූර්ණයෙන්ම ඔබ වෙත නොමිලේම තොරතුරු, උපදෙස් ලබා දීමට වෙහෙසෙන වෙබ් අඩවියක්.
මෙම බ්ලොග් අඩවිය තවත් දියුණු කිරීමට අපි බොහොමත්ම වෑයමක් දරමින් සිටිනවා, සැළසුම් කරනවා.
ඉතින් අපගේ මේ ප්‍රයත්නයට ඔබට හැකිනම් මූල්‍යමය දායකත්වයක් ලබාදෙන්නට, එය අපගේ සැළසුම් ක්‍රියාත්මක කිරීම වේගවත් කිරීමට මනා සහයක්.

Help us to GROW, to serve you MORE....

Read more ...

Saturday, August 1, 2015

Career Guidance LK වෙනුවෙන් LinkedIn Group එකක්



Career Guidance Sri Lanka වෙනුවෙන් LinkedIn Group එකක් සකසන ලදී. ඔබත් එක්වන්න. දැනුම ලබගන්න. දැනුම බෙදා දෙන්න. 


ඔයාල සමහරක් LinkedIn භාවිතා කරනව ඇති. නමුත් මම හිතන්නෙ බහුතරයක් නම් නැතිව ඇති. රැකියා වෙලඳපළ පීරන කෙනෙක්ට LinkedIn ගොඩක් ප්‍රයෝජනවත් වෙනව. 
සම්බන්ධ වෙලා නැති නම් අදම LinkedIn වල රෙජිස්ටර් වෙලා Professional Online Profile එකක් හදාගන්න කියල ආරාධනා කරනවා. ඉස්සරහට නම් මේව හුඟක් ප්‍රයෝජනවත් වෙන දේවල් වේවි.

Read more ...

Friday, July 31, 2015

නව පොත් පිංචක් ගැන අදහස් අවශ්‍ය කර තිබේ


ඔයාලට මතක ඇතිනෙ මම මුලින් දුන්නු "ඔබට ගැළපෙන වෘත්තිය තෝරාගන්නේ කෙසේද" හා "ඔබට සුදුසුම වෘත්තිය සැලසුම් කිරීම - Fact Sheet 01" කියන කෙටි අත්වැල?
දැන් මම මේ තවත් එහෙම පොඩි අත්වැලක් හදන ගමනුත් ඉන්නෙ.

ඉතින්, "ඔබට ගැළපෙන වෘත්තිය තෝරාගන්නේ කෙසේද" කියන පොත් පිංච මේ වෙනකොට භාගත කිරීම 1450ක් සම්පූර්ණ කරල තිබෙනවා.
"ඔබට සුදුසුම වෘත්තිය සැලසුම් කිරීම - Fact Sheet 01" එක භාගත කිරීම 140ක් භාගත කිරීම් සම්පූර්ණ කරල තිබෙනවා.

දැන් මම සූදානම් වෙන්නෙ මීටත් වඩා දෙයක් ඔබ වෙත ලබා දෙන්න. ටිකක් සවිස්තරාත්මක පොතක් හදන්න.
ඉතින් ඒ සඳහා මට ඔබගේ අදහස් අවශ්‍ය කරල තිබෙනවා.
වෘත්තීය මාර්ගෝපදේශනය කියන විෂයය ගත්තම ඔබ එසේ මාර්ගෝපදේශනයකට යොමු වනවා නම් ඔබට අවශ්‍ය කරන දේ මොනවාද කියන එක මට කියන්න. එතකොට මට පුළුවන් ඒ ඒ දේවල් හැකි ආකාරයකට ඔබගේ අවශ්‍යතාවයට ගැළපෙන පරිදි පොතට එකතු කරන්නට.

ඔබගේ අදහස් මම අතිශයින් බලාපොරොත්තු වනවා. මොකද මේ උත්සාහය ඔබට ඔබගේ අනාගත වෘත්තීය ජීවිතය සාර්ථක කරගන්න අත්වැලක් සැපයීමයි.

ඔබගේ අදහස් මෙහි කමෙන්ට් කිරීමෙන් හෝ cglk[at]consultant[dot]com යන ඊ මේල් ගිණුමට ඊ ලිපියක් හරහා සඳහන් කළ හැකියි.

ඔබට ස්තුතියි.
Read more ...

Wednesday, July 1, 2015

ඔබට සුදුසුම වෘත්තිය සැලසුම් කිරීම - Fact Sheet 01

ඔබ, වෘත්තීය ජීවිතය සමඟ කුමනාකාරයේ මාර්ගයක ගමන් කරන්න තීරණය කළත් (එය උපදේශකයෙක්, විධායක නිළධාරියෙක්, සාමාන්‍ය නිළධාරියෙක්, කුමක් වුවත්) එය කරන්න හොඳම ක්‍රමය තමයි යම් සැළසුම්සහගත ආකාරයකට එය සිදු කිරීම. වෘත්තීය සැලසුමක් පැවතීම, ඔබට උනන්දුවක් ඇති කරන ඉලක්කයක් ලබා දෙනවත් එක්කම, කාර්යයාලයේදී ඇතිවන අපහසුදායක අවස්ථා වල ධනාත්මකව සිතීමටත් උපකාරී වෙනවා.

අපි මේ පිළිබඳව අපගේ දැනුම ඔබගේ සහයට ලබා දෙමින් ඔබගේ වෘත්තීය ඉලක්ක ජය ගැනීම සඳහා සහයක් විය හැකි කෙටි අත්වැලක් ලබා දෙන්නෙමු. මේ උපදෙස්, ඔබගේ ඉදිරි ගමන සාර්ථක කර ගැනීම සඳහා ඉතා ප්‍රයෝජනවත් වනු ඇත.

ඉතින් මේ පළමු Fact Sheet එකේදි අපි "ඔබට සුදුසුම වෘත්තිය සැලසුම් කිරීම" කිරීම යන මාතෘකාව ඔස්සේ පහත කරුණු සාකච්ඡා කරන Fact Sheet එකක් ලබා දෙනවා. 

  • ඔබගේ වෘත්තිය සංචාරයක් සේ සිතන්න
  • ඔබව පොළඹවන දේ හඳුනාගන්න
  • ඔබගේ හැකියාවන් තියුණු කරගන්න
  • සුදුසුකම් හා පළපුරුද්ද
  • ඔබේ සැළසුම පෙළ ගස්වන්න
  • සියළුම විකල්ප සළකන්න
  • සාක්ෂි විමසන්න
  • ඔබගේ සේව්‍යයාගේ අවශ්‍යතා හඳුනාගන්න.

පහතින් එය භාගත කරගන්න.


ඉතින් ඔබ කළ යුත්තේ කුමක්ද? සැලසුම් කරන්න, ඒවා විශාලනය කරන්න, ඒවා භාවිතයට ගන්න. ඒත් එක්කම ඔබගේ මාර්ගය තුළදී වෙනස් වන්නට බිය වෙන්න එපා. ඔබගේ වෘත්තීය ගමන උද්‍යෝගජනක, පුදුමයන්ගෙන් පිරි, නව අවස්ථාවන් සපිරි එකක් විය යුතුයිඉතින් ඉන් සතුටු වන්න.
ඔබට ගැන තවත් කතා කරන්නට අවශ්‍ය නම්, අප සමඟ සම්බන්ධ වන්න.


මේ ලිපි කෙලින්ම ඔබ වෙත ලබා ගන්න. පහත ඔබගේ ඊ මේල් ලිපිනය ඇතුලත් කරන්න.
ඔබගේ ඊ ලිපිනය එකතු කරන්න:



මෙම බ්ලොග් අඩවිය සම්පූර්ණයෙන්ම ඔබ වෙත නොමිලේම තොරතුරු, උපදෙස් ලබා දීමට වෙහෙසෙන වෙබ් අඩවියක්.
මෙම බ්ලොග් අඩවිය තවත් දියුණු කිරීමට අපි බොහොමත්ම වෑයමක් දරමින් සිටිනවා, සැළසුම් කරනවා.
ඉතින් අපගේ මේ ප්‍රයත්නයට ඔබට හැකිනම් මූල්‍යමය දායකත්වයක් ලබාදෙන්නට, එය අපගේ සැළසුම් ක්‍රියාත්මක කිරීම වේගවත් කිරීමට මනා සහයක්.

Help us to GROW, to serve you MORE....

Read more ...
All Rights Reserved © 2014 | Career Guidance Sri Lanka | Designed By